Heqa made
Komele be xo jü platform serba domanun u ma u pi rê tore tore faliyetu pêskês kena. Hedefê faliyetu uyo ke mewzuyanê (muhtewiyatanê) kulturelu cı do u cı rê phışti bo. Ney ra dot ki faliyetanê binu ebe mewzuyanê binu cı do, êyê ke irade ya ki itaciya grube rê mınasıbê.
Komele va imkano henên vırazo ke ma u pi be domanu ra bêrê pêser, ke malumat u ma u pi rê rae salıx daene cı diyo, va serba fıkrun u ilhamanê newu jü forum cı rê pêskês kero. Komele va hem ney mumkın bıkero ke karo umumi ebe qeydê faliyetê komele bêro kerdene.
Komela “Dêsımer Elternverein”i (Komela ma u piyê Dêsımıci) cad kena ke kamiya (identitê) Sarê Ma (Zaza-Dımıli-Kırmanc) pay ra bımano. Derd u khulê ma uyo ke zonê ma, adet u torê ma, zagonê ma paun bımano. Komela ma vacime ke kursê zoni, dersa lawıku vatene u koroê domanu, faliyetê çêu (ailu) be feteliyaisu (cêraisu, seferu), sero ki pêskêsanê qeseykerdene, konseru ya ki sehnanê tiyatroy ana pêser. Nine ra serkewte, ma qailime ke gitanê (merasımanê) verênu reyna biarime wertê weşiya xo, zê Khalê Gağani, Rocê Xızıri, Hawtemali u nine jü be jü her serre bımbarek u şên kerime. Zobina ki komela ma merem kena ke tore tore kulturi u itıqati pia rınd u ebe hurmet u zerreweşiye têlewe de bê, weşiya xo bıramê.
Ebe nê teqdimê projey kamiya (xo naskerdena) domananê ma’wa sosyale bena qewıne, êyê ke riyê welat ra teriketena ma u piyê xo ver kultur u zagonê xo ra marum mendê. Nae de lınge erzenime kemiya zanaena zonê ma u piyê xo ver.
Dêsim
Dêsım rocakewtena (şerqê) Anadoliye de namê dê mıntıqa’o ğeyri-resmiyo u dendıkê xo roca ewroyêne de wılayetê Tuncêliye (Mamekiye) dero. Uyo ke namê qeza Dêsımi “Mamekiye” vurna ra, (ebe Tırki) kerda “Tuncêliye”, wertê sari de hata ewro “Dêsım” yeno vatene u no name kamiye vırazeno. Mamekiye be dormê xo ra Tırkiya de a mıntıqawa ke gıraniya Elewiyu naca tewr jêdera; sero ki sarê mıntıqa Dêsımi zafeteni hetê etnisitey ra Zazaê (Dımıliyê, Kırmancê, Sarê Maê).
Komela de phişt danê
Projektleiterin
Lektorat
Brigitte Werner
Chorleitung
Musikleitung
Grafikdesign
Öffentlichkeitsarbeit
